Биһиги сынньанааччыларбыт олоххо олус көхтөөх, барыга-бары кыттыһан иһэр сүрдээх дьон!

Аграфена Семёновна: -- Бириэмэбитин бэрт бэһиэлэйдик атаардыбыт. Атласовтар уһаайбаларыгар сылдьан, бэрт элбэх саҥаны, сонуну биллим. Кийиитим үөрэ-көтө Майаҕа Дмитрий Шадрин-Шандор кэнсиэригэр таһаара сылдьыбыта. Онон кийииппэр наһаа махтанабын. Дьэ, аны Майаттан киирбиппит кэннэ, Шандорбут кииҥҥэ биирдэ баар буола түстэ уонна наһаа кырасыабай сибэкки дьөрбөтүн туттаран кэбистэ! Мин үйэбэр маннык кырасыабай сибэккилэри, буолаары буолан, сулустан – туппатаҕым!

92 саастаах Мария Константиновна уолун кытары кэлбит: - Кырдьар сааспар “профилакторийга киирэн сынньаммыт киһи” диэн санаа көтөн түспүтэ. Тэлэбиисэринэн “Аврора” “Көхтөөх уһун үйэлэнии” киинин угуйугун түбэһэ көрбүтүм уонна кийииппэр кэпсээбитим. Инньэ гынан үһүө буолан манна сынньана киирбиппит. Анаалыстары туттардыбыт, сынньанныбыт, дууһалыын, эттиин-сиинниин чэпчээтибит. Мин Дмитрий Шадрин-Шандор оонньуур киинэлэрин барытын көрбүтүм. Наһаа астынар артыыһым. Кийиитим сюрприз оҥорбута – сөбүлүүр артыыһым кэнсиэригэр сылдьан кэллбит!

Артыыс, блогер, норуокка биллэринэн Шандор-Дмитрий Шадрин кэнсиэрин кэннэ анаан-минээн сүгүрүйээччилэрин көрсөөрү “Көхтөөх уһун үйэлэнии” киинигэр кэллэ уонна хорсун быһыыларын уонна айар үлэтин астыналларын иһин махтанан туран, Аграфена Констаниновнаҕа уонна Аграфена Семёновнаҕа сибэкки дьөрбөтүн туттартаата, иэдэстэриттэн сиэн оҕолуу сырылаччы сыллаан ылла.

Билсэр нүөмэргит: Дьокуускайга – 89142710088, Булгунньахтаахха – 89148223874, Нерюнгрига – 89963154189.