“Аврора” көхтөөх уһун үйэлэнии киинэ: кыһамньы, доруобуйа уонна саҥа санаа!

“Аврора” мэдиссиинэ килииньикэтэ Дьокуускайга “Көхтөөх уһун үйэлэнии” киинин үлэлэтэр. Манна хас биирдии ыалдьыт мэдиссиинэ өҥөтүн эрэ буолбакка, сэргэхсийэр, сылаас, истиҥ сыһыаны ылар. Мэдиссиинэ толору көрүүтүн (чек-ап) ааһан баран, быраас анааһынынан чэбдигирдэр бороссодуураны – укуолу, систиэмэни – ылаллар. Ол кэннэ доҕордуу, истиҥ, сылаас, сырдык эйгэҕэ астына-дуоһуйа сынньаналлар.

“Көхтөөх уһун үйэлэнии” киин сэбиэдиссэйэ Вероника Макарова интэриэс мэлдьи улаата турарын бэлиэтиир. Үгүс киһи “Аврораҕа” сынньанарын уонна чөлүгэр түһэрин ордорор. Онуоха “Киһи киһитэ” өр кэмнээх аахсыйа – бөлөх хас биирдии киһитэ 20 тыһыынча солкуобайга сынньанара итиэннэ анал байыаннай дьайыы кыттыылаахтарын дьиэ кэргэттэригэр анал чэпчэтии -- төһүү буолар. Дьокуускайга уонна Булгунньахтаахха баар киин филиаллара өрөспүүбүлүкэ араас муннугуттан кэлэр ыалдьыттары көрсөллөр.

Дьокуускайдааҕы киин 116-с сезонугар 24 киһи сынньанар. Дьокуускайтан, Чурапчыттан, Өймөкөөнтөн, Намтан, Абыйтан, Тааттаттан, Муоматтан уонна, Бүлүү улуустарыттан. Кинилэр “Кыым” сурутааччылара тутар алгыс нобуорун оҥорорго үөрэ-көтө көмөлөстүлэр. Онон эрэдээксийэ улахан махталын тиэрдэр.

Ытыктыыр сынньанааччыбыт Ирина Николаевна Попова 94 саастаах! Сэрии сылын оҕото буолан, чэпчэтиини туһанар. Ирина Николаевна олоҕун истиҥник эргитэ саныыр уонна киин кэлэктиибигэр истиҥ сыһыаннарыгар уонна умнуллубат сынньалаҥы бэлэхтээбиттэригэр махталын биллэрэр.

“Аныгы олох барахсан урукку курдук буолуо дуо – наһаа үчүгэй! Дьон аһыныгастара сүрдээх, саастаах дьоҥҥо күүс-көмө буолаллар. “Аврора” “Көхтөөх уһун үйэлэнии” киинин үлэһиттэригэр оҕолуу бүөбэйдээн, сүрэхтэрин сылааһын ууран туран умнуллубат сынньалаҥы бэлэхтээбиттэригэр барҕа махталбын тиэрдэбин!” -- диир Ирина Николаевна.

“Аврора” “Көхтөөх уһун үйэлэнии” киинэ киһиэхэ барытыгар бөҕө доруобуйаны баҕарар. Үтүө сыһыан, кыһамньы, истиҥ алтыһыы манна баар!

Билсэр нүөмэргит: Дьокуускайга – 89142710088, Булгунньахтаахха – 89148223874, Нерюнгрига – 89963154189.