Күммүт номнуо уһаан, улахан тымныы тохтоон, оргууй аҕай сандал сааспыт чугаһыыр. Кыһыны быһа утуйа сыппыппытын уһугуннаран, сандал саас тыынын эҕирийэ Соҕуруу Саха сирин киин куоратыгар – Нерюнгрига тиийэргитигэр ыҥырабыт.
Былырыын үйэ аҥаардаах үбүлүөйүн бэлиэтээбит, тайҕа быыһыгар тутуллубут куорат саамай умнуллубат түгэнэ 1975 сыл от ыйын 15 күнүгэр буолбута. Бу күн саҥа куораты тутуу бастакы үөрүүлээх миитинэ ыытыллыбыта. Онно балааккаларга олорор бөһүөлэк олохтоохторо, хомсомуоллар, бастакы тутааччылар, салалта кэлбитэ. Дьокуускайдааҕы 14-с №-дээх СПТУ выпускницата Христина Хастаева куорат тутуута саҕаламмытын туоһулуур аалай лиэнтэни быспыта.
Куораты тутууну саҕалыыр бочуоттаах быраабы “Якутуглестрой” кэмбинээт Владимир Конопицын биригэдьиирдээх болуотунньуктара туппуттара. Кинилэр, аан бастакы тиити охторон, бастакы дьиэни туруорбуттара. Ону олохтоохтор “Теремок” диэн таптаан ааттаабыттара.
1975 сыллаахха сэтинньи 6 күнүгэр РСФСР Үрдүкү Сэбиэтин Бүрүсүдьүүмэ “Алдан оройуонун Нерюнгри бөһүөлэгин өрөспүүбүлүкэ суолталаах куоратыгар уларытар туһунан” ыйааҕа тахсыбыта. Сэтинньи 7 күнүгэр Нерюнгрига бастакы оҕо төрөөбүтүн бэлиэтээбиттэр – Таня Гойоворонская күн сирин көрбүт. Ити күн бастакы ыал тэриллибит – Василий, Вероника Колодезниковтар дьиэ кэргэттэрэ.
Онтон сэтинньи 12 күнүгэр Саха АССР Үрдүкэ Сэбиэтэ Нерюнгри оройуонун тэрийэр туһунан ыйааҕа тахсыбыта. 1979 сыллаахха ыытыллыбыт биэрэпэһинэн ити сыл Нерюнгри куоракка 22 тыһ. 647 киһи олороро бэлиэтэммитэ. Билигин Нерюнгрига 53 тыһ.526 киһи олорор. Куорат уопсай иэнэ – 98,9 кв.м. Нерюнгри Чульман өрүс уҥа биэрэгэр турар. Дьокуускайтан “Лена” федеральнай суолунан 820 км айаннаан тиийэҕин.
Куораты бастакы тутааччыларга анаммыт пааматынньык – эр киһи уонна дьахтар бөгүүрэтэ, кинилэр икки ардыларыгар мас баар. Бу сиргэ Владимир Конопицын биригээдэтэ бастакы тиити суулларбыта. Бу куорат чох бырамыысыланнаһын кытары ыкса сибээстээх, куорат экэниэмикэтэ онтон тутулуктаах. Ол да иһин манна Шахтёр күнүн бэрт киэҥ хабааннаахтык, умнуллубаттык бэлиэтииллэр, оттон путбуоллуур стадион “Горняк” диэн ааттаах.
Соҕуруу Саха сирин баһылааһын устуоруйатын сэһэргиир түмэл, Нерюнгритааҕы чоҕу хостуур сир, куукула тыйаатыра, Албан аат мемориала, Олоҥхо ыһыаҕын комплекса уо.д.а. кэрэ-бэлиэ сирдэр туристары сөхтөрөллөр.
Нерюнгри куоракка “Көхтөөх уһун үйэлэнии” киинигэр биһиги саҥа филиалбыт арыллыбыта. Манна эрчими эбэргэ, күүһү-уоҕу, уҕараабат сэниэни мунньарга бэртээхэй усулуобуйа тэриллэн үлэлиир. Кииҥҥэ сынньаммыт бастакы хараҥаччыларбыт наһаа астыммыттарын бэлиэтииллэр.
“Олоххо олус көхтөөх уонна үөрэ-көтө сылдьар аҕам саастаахтар кэлэн сынньаналлар, биһиги кинилэртэн элбэххэ үөрэнэбит”, -диир филиал администратора Елена Самсонова.
Кинилэр ортолоругар өрөспүүбүлүкэбитигэр дойду араас муннугуттан эдэр эрдэхтэринэ кэлбит Нерюнгри куорат бастакы тутааччылара бааллар. Бу сырыыга биһиги филиалбытыгар киирэн чэбдигирбит саамай аҕа саастаахпыт – 76-лаах.
Кииҥҥэ интэриэс күннэтэ улаатар: сайаапкалар Нерюнгри оройуонуттан эрэ буолбакка, Саха сирин араас муннугуттан киирэллэр. Холобур, соторутааҕыта Майаттан кулун тутарга кэлэн сынньанарга сайаапкаласпыттар!
Бастакы күннэргэ манна толору мэдиссиинэ көрүүтүн (чек-ап) ааһаллар: анаалыс туттараллар, ЭКГ. УЗИ түһэллэр, “Аврора” мэдиссиинэ килииньикэтин кытары сөбүлэҥ чэрчитинэн Нерюнгритааҕы киин балыыһа терапевт, невролог, кардиолог быраастара консултаассыйа биэрэллэр.
Сынньанааччылар ЛФК инструктора Юрий Арсентьевич Кузьмин ыытар дьарыктарын, психолог Мария Александровна Самсонованы кытары бэсиэдэлэри бэркэ сөбүлээбиттэр. “Биһиэхэ интэриэһинэй дьону кытары көрсүһүү ыытыллар. Холобур, бүгүн поэтесса Наталья Николаевна Александрованы кытары атах тэпсэн олорон сэһэргэстилэр. Кини хоһооннорун аахта, айар үлэ умсулҕанын туһунан кэпсээтэ”, -- диэн администратор сонунун үллэстэр.
Күнүһүн сынньанааччылары иккитэ аһаталлар (аһы анаан-минээн “Тимптон” эрэстэрээн астаан аҕалар). Күнүс нуктаан ылалларыгар эмиэ бириэмэ бэриллэр.
Саха сиригэр “Көхтөөх уһун үйэлэнии” киинин бырагыраамата номнуо бэһис сылын үлэлиир. Бырагыраама кыттыылаахтара олоххо тардыһыылара, көхтөрө улааппытын, доруобуйалара бөҕөргөөбүтүн анаан бэлиэтииллэр. Онон Соҕуруу Саха сирин көрө-истэ таарыйа, манна кэлэн чэбдигириҥ, саҥаны, сонуну көрүҥ-билиҥ!
Бу нүөмэрдэргэ эрийэн сиһилии Киини билсиҥ. Дьокуускайга үлэлиир филиал: 8914-271-00-88; Булгунньахтаах филиала: 8914-822-38-74, Нерюнгрига: 89963154189
Былырыын үйэ аҥаардаах үбүлүөйүн бэлиэтээбит, тайҕа быыһыгар тутуллубут куорат саамай умнуллубат түгэнэ 1975 сыл от ыйын 15 күнүгэр буолбута. Бу күн саҥа куораты тутуу бастакы үөрүүлээх миитинэ ыытыллыбыта. Онно балааккаларга олорор бөһүөлэк олохтоохторо, хомсомуоллар, бастакы тутааччылар, салалта кэлбитэ. Дьокуускайдааҕы 14-с №-дээх СПТУ выпускницата Христина Хастаева куорат тутуута саҕаламмытын туоһулуур аалай лиэнтэни быспыта.
Куораты тутууну саҕалыыр бочуоттаах быраабы “Якутуглестрой” кэмбинээт Владимир Конопицын биригэдьиирдээх болуотунньуктара туппуттара. Кинилэр, аан бастакы тиити охторон, бастакы дьиэни туруорбуттара. Ону олохтоохтор “Теремок” диэн таптаан ааттаабыттара.
1975 сыллаахха сэтинньи 6 күнүгэр РСФСР Үрдүкү Сэбиэтин Бүрүсүдьүүмэ “Алдан оройуонун Нерюнгри бөһүөлэгин өрөспүүбүлүкэ суолталаах куоратыгар уларытар туһунан” ыйааҕа тахсыбыта. Сэтинньи 7 күнүгэр Нерюнгрига бастакы оҕо төрөөбүтүн бэлиэтээбиттэр – Таня Гойоворонская күн сирин көрбүт. Ити күн бастакы ыал тэриллибит – Василий, Вероника Колодезниковтар дьиэ кэргэттэрэ.
Онтон сэтинньи 12 күнүгэр Саха АССР Үрдүкэ Сэбиэтэ Нерюнгри оройуонун тэрийэр туһунан ыйааҕа тахсыбыта. 1979 сыллаахха ыытыллыбыт биэрэпэһинэн ити сыл Нерюнгри куоракка 22 тыһ. 647 киһи олороро бэлиэтэммитэ. Билигин Нерюнгрига 53 тыһ.526 киһи олорор. Куорат уопсай иэнэ – 98,9 кв.м. Нерюнгри Чульман өрүс уҥа биэрэгэр турар. Дьокуускайтан “Лена” федеральнай суолунан 820 км айаннаан тиийэҕин.
Куораты бастакы тутааччыларга анаммыт пааматынньык – эр киһи уонна дьахтар бөгүүрэтэ, кинилэр икки ардыларыгар мас баар. Бу сиргэ Владимир Конопицын биригээдэтэ бастакы тиити суулларбыта. Бу куорат чох бырамыысыланнаһын кытары ыкса сибээстээх, куорат экэниэмикэтэ онтон тутулуктаах. Ол да иһин манна Шахтёр күнүн бэрт киэҥ хабааннаахтык, умнуллубаттык бэлиэтииллэр, оттон путбуоллуур стадион “Горняк” диэн ааттаах.
Соҕуруу Саха сирин баһылааһын устуоруйатын сэһэргиир түмэл, Нерюнгритааҕы чоҕу хостуур сир, куукула тыйаатыра, Албан аат мемориала, Олоҥхо ыһыаҕын комплекса уо.д.а. кэрэ-бэлиэ сирдэр туристары сөхтөрөллөр.
Нерюнгри куоракка “Көхтөөх уһун үйэлэнии” киинигэр биһиги саҥа филиалбыт арыллыбыта. Манна эрчими эбэргэ, күүһү-уоҕу, уҕараабат сэниэни мунньарга бэртээхэй усулуобуйа тэриллэн үлэлиир. Кииҥҥэ сынньаммыт бастакы хараҥаччыларбыт наһаа астыммыттарын бэлиэтииллэр.
“Олоххо олус көхтөөх уонна үөрэ-көтө сылдьар аҕам саастаахтар кэлэн сынньаналлар, биһиги кинилэртэн элбэххэ үөрэнэбит”, -диир филиал администратора Елена Самсонова.
Кинилэр ортолоругар өрөспүүбүлүкэбитигэр дойду араас муннугуттан эдэр эрдэхтэринэ кэлбит Нерюнгри куорат бастакы тутааччылара бааллар. Бу сырыыга биһиги филиалбытыгар киирэн чэбдигирбит саамай аҕа саастаахпыт – 76-лаах.
Кииҥҥэ интэриэс күннэтэ улаатар: сайаапкалар Нерюнгри оройуонуттан эрэ буолбакка, Саха сирин араас муннугуттан киирэллэр. Холобур, соторутааҕыта Майаттан кулун тутарга кэлэн сынньанарга сайаапкаласпыттар!
Бастакы күннэргэ манна толору мэдиссиинэ көрүүтүн (чек-ап) ааһаллар: анаалыс туттараллар, ЭКГ. УЗИ түһэллэр, “Аврора” мэдиссиинэ килииньикэтин кытары сөбүлэҥ чэрчитинэн Нерюнгритааҕы киин балыыһа терапевт, невролог, кардиолог быраастара консултаассыйа биэрэллэр.
Сынньанааччылар ЛФК инструктора Юрий Арсентьевич Кузьмин ыытар дьарыктарын, психолог Мария Александровна Самсонованы кытары бэсиэдэлэри бэркэ сөбүлээбиттэр. “Биһиэхэ интэриэһинэй дьону кытары көрсүһүү ыытыллар. Холобур, бүгүн поэтесса Наталья Николаевна Александрованы кытары атах тэпсэн олорон сэһэргэстилэр. Кини хоһооннорун аахта, айар үлэ умсулҕанын туһунан кэпсээтэ”, -- диэн администратор сонунун үллэстэр.
Күнүһүн сынньанааччылары иккитэ аһаталлар (аһы анаан-минээн “Тимптон” эрэстэрээн астаан аҕалар). Күнүс нуктаан ылалларыгар эмиэ бириэмэ бэриллэр.
Саха сиригэр “Көхтөөх уһун үйэлэнии” киинин бырагыраамата номнуо бэһис сылын үлэлиир. Бырагыраама кыттыылаахтара олоххо тардыһыылара, көхтөрө улааппытын, доруобуйалара бөҕөргөөбүтүн анаан бэлиэтииллэр. Онон Соҕуруу Саха сирин көрө-истэ таарыйа, манна кэлэн чэбдигириҥ, саҥаны, сонуну көрүҥ-билиҥ!
Бу нүөмэрдэргэ эрийэн сиһилии Киини билсиҥ. Дьокуускайга үлэлиир филиал: 8914-271-00-88; Булгунньахтаах филиала: 8914-822-38-74, Нерюнгрига: 89963154189