Көхтөөх уһун үйэлэнии киинэ сааһыттан тутулга суох үөрүүнү бэлэхтиир

Дьокуускйага уонна Хаҥалас Булгунньахтааҕар “Аврора” мэдиссиинэ килииньикэтин Уһун үйэлэнии киинэ Саха сирин олохтоохторугар аанын арыйар. Манна көннөрү сынньаныы буолбатах – айа-тута олороллор, саҥа доҕоттору кытары билсэллэр, ураты дьарыкка үөрэнэллэр уонна, биллэн турар, доруобуйаларын көрүнэллэр.

Хас сезон ахсын Киин былдьаһыкка сылдьар. Үгүстэр манна аан бастаан, бэһистээн эрэ буолбакка, ахсыс, бэл, уон иккис төгүлүн сөбүлээн кэлэллэр! Кинилэр биһиги Киимммитин мэлдьи үөрэ көрсөр, өйүүр уонна сылааһы бэлэхтиир иккис дьиэ курдук саныыллар.

Дьокуускайга баар Көхтөөх уһун үйэлэнии киинин 118-с сезонугар Саха сирин араас муннугуттан муһуннулар: киин куораппытыттан, Орто Халыматтан, Бүлүүттэн, Эбээн Бытантайтан, Уус Алдантан, Усуйаанаттан, Мэҥэ Хаҥаластан. Бэтэрээннэрбит биир дьиэ кэргэн курдук сиэттиспитинэн тахсан, үөрэ-көтө куоракка ыытыллыбыт Улуу Кыайыы бырааһынньыгын тэрээһиннэригэр сырыттылар. Быйыл ыалдьыттарбытын үгэс буолбут экскурсиялар, бэсиэдэлэр эрэ буолбакка, умсулҕаннаах саҥа дьарыктар кэтэһэллэр. Хомус тэрэпиийэтэ – хомус дьүрүскэн тыаһынан ураты эмтэнии сеанстара. Маастар-кылаастары, эмтиир сеанстары хомусчут Бастыҥалаах Көй Кынат ыытар. Оттон кини хомуһун аатырбыт маастар Күн Дьарааһын оҥорбута. Пиэрмэр Марк Лихановы кытары кымыс тэрэпиийэтин саҕалаатыбыт. Кымыһынан эмтэнии былыр-былыргыттан биһирэнэр, биэ кымыһа иҥэмтэлээҕэ дакаастанан турар. Өй кэбиниэтигэр невролог, гериатр-быраас, мэдиссиинэ билимин хандьыдаата Полина Кудрина биирдиилэн консултаассыйа ыытар, өйгө тутар дьоҕуру, болҕомтолоох буолууну илдьэ сылдьарга көмөлөһөр.

“Көхтөөх уһун үйэлэнии” киинин билсэр нүөмэргит: Дьокуускайга – 89142710088, Булгунньахтаахха – 89148223874, Нерюнгрига – 89963154189.